AmaPhoyisa aseGoli afuna owesifazane uHlengiwe Goodness Buthelezi ofunelwa icala lokubandakanyeka ekubulaweni kukaDJ Warras owadutshulwa wabulawa ngoZibandlela nyakenye phambi kweBhilidi iZambesi House eGoli.UHlengiwe uyintombi ka Victor Mthethowakhe Majola osezikhindini eboshelwa lona leli cala,uMajola kuthiwa unguNgqondongqondo ekusocongweni kaWarras.UMajola kuthiwa wakhokhela izigebengu ezimbili imali ukuba zibulale uWarras .Esinye salezo zigebengu uJoaquim Armando Pacula wagcina eboshiwe wagwetshwa iminyaka eyi 25 kulandela ukuvuma kwakhe icala washo konke okwenzeka.UMajola yena kuthiwa usaphika namanje ukuthi uyabandakanyeka kuleli cala.AmaPhoyisa aseGoli acela umphakathi ukuba uma kwenzeka ubona lona wesifazane osesithombeni asheyele uDetective Sergeant Nengovhela kule nombolo 082 967 9362 .
Khumu!
