UNgqongqoshe wezemidlalo u Gaytom McKenzie useyalele iSAFA ukuba ibuyise imali anikela ngayo kuyo ngenhlonso yokuba kuqalwe ubuchwepheshe beVAR ebholeni lakuleli ikakhulukazi iBetway Premier. Ngenkathi ekhuluma nabezindaba uMcKenzie uveze ukuthi sekuphele izinyanga anika iSAFA imali ewu R13million eyayizokwelekela ukuba kufakwe iVAR ebholeni lakuleli.Uthi namanje kusacwebe iziziba, akushiwo lutho ngezinhlelo zeVAR,ngakho-ke uyayifuna leyo mali,mayibuye.UMcKenzie uqhube waveza nokuthi unike iSAFA izinsuku ezingama 21 ukuba ibuyise lemali.UMongameli weSAFA uDanny Jordan ubengakasho lutho ngalolu daba.
