Amaphoyisa athungatha abasolwa abane abadubule balimaza uSomabhizini waseKapa, ongowukudabuka eChina.
Lesi sigameko kuthiwa senzeke eHorwad Center ngasePinelands eKapa.
Kuthiwa laba basolwa bebezama ukubamba lo Somabhizinisi inkunzi.
Ngokusho kukaMkhulumeli wamaphoyisa u-Malcom Pojie uthi laba basola bazame ukwephuca isisulu isikhwama esimnyama ebesiqukethe i-laptop kanye namaphepha.
U-Pojie uqhubeka athi isisulu sigolozile naleso sikhwama nokuholele ekutheni omunye wabasolwa agcine edubule isisulu esifubeni.
U-Pojie uthi abasolwa bagcine bebaleka bengakwazanga ukusithatha leso sikhwama. Isisulu sona sibe sesiphuthunyiswa eSibhedlela sayothola ukwelashwa.
Amaphoyisa ayaqhubeka nophenyo lwawo, athungatha abasolwa.
