Iqembu leBhola iRichards Bay FC selisayinise umdlali waseKenya u-Vincent Oburu . Lo mdlali ongumgadli wasezinhlangothini ( winger) uthengwe eqenjini laseZambia Zesco United . U-Oburu ubekade ebolikisiwe ebolekiselwe ku- Napsa Stars, ebolekiswa yiyona iZesco United . Womabili lamaqembu i-Zesco United ne Napsa Stars adlala kwiLigi ephezulu lena ezweni laseZambia. Lo mdlali usayine inkontileka yezinyanga eziyishumi nesishiyagalombili (18months) , kunesivumelwano sokuyinweba ngonyaka owodwa uma kuwuthi wenza kahle kwiRich Boys. IRich Boys isimkhankasweni wokuqinisa iqembu layo ikakhulukazi kubagadli kwazise akuyihambeli kahle, kanti ibifuna nokuvala isikhala somgadli wayo u-Thabang Sibanyoni obebolekwe kuMamelodi Sundowns. USibanyoni uzophindela kuDowns ngoMasingana (January ) ngonyaka ozayo. I-Rich Boys akuyihambeli kahle impela kwiLigi yaseMzansi , ihleli kunombolo 15 eqoqweni lamaqembu angama 16.
I-Richards Bay FC isisayinise umdali waseKenya
