Ngokusho kweSabc Sport kubikwa ukuthi iDurnan City isixoshe umqeqeshi wayo uGavin Hunt.Lokhu kunzeka kuphele izinsukwana nje leli qembu libhaxabulwe yiOrlando Pirates ngo2-0 koweLigi.Ngokusho kweSabc Sport kuthiwa ukushaywa kwaleli qembu ngezikaMagebhula akuyona imbangela yokukhonjwa indlela kukaHuntu.Kuthiwa okuyiyona mbangela exoshise umfoka Hunt wukungaboni ngasolinye phakathi kwakhe noSihlalo waleli qembu uFarook Kadodia mayelana nokwakhiwa kwesisekelo saleli qembu ukuze lingazitholi selivika izembe eminyakeni ezayo.Kuzokhumbuleka nanokuthi uHunt uke waxabana nowayenguMqondisi waleli qembu uErnst Middendorp nokwaholela ekutheni uMiddendorp adube ahambe ashiye phansi nesikhudla sakhe.Kuthiwa ingaxabano phakathi kukaHunt noMiddendorp yayimayelana nezokucija leli qembu phecelezi technical and structural matters.Kukhona nemibiko eqhamuka neminye imithombo yezindaba ethi uHunt uxoshwa nje vele kunezinhlelo zokubuyisa uMiddendorp odume ngelekaMazinyo.UHunt ushiye leli qembu leDurban City lihlezi kahle kunombolo 8 weLigi namaphuzu ayi 19 emidlalweni ey 14.
Seligqabukile igoda phakathi kukaGavin Hunt neDurban City
