Owake wacija i-Kaizer Chiefs u-Muhsin Ertugral udle umhlanganiso ngeGoalie elilodwa eqandeni izolo emdlalweni wakhe wokuqala kwiCape Town City ebidlala naBafana basePhefeni(i-Kaizer Chiefs ) izolo .UMuhsin usanda kuqashwa yileli qembu laseKapa njengoMqondisi wezikaNobhutshuzwayo(Director of Football) kanti uzophide ayibambe njengoMqeqeshi kuze kube sekupheleni kwale nyanga kaMasingana . Lo Mqeqeshi uyazi kahle i-Kaizer Chiefs kwazise wake wayicija ngonyaka ka 1999 kuya ku 2003 . Amanye amaqembu aseMzansi ake awacija yi-Ajax Cape Town ayicija ngo 2009, , i-Mpumalanga Black Aces ayicija ngo2015 kuya ku2016 , i-Orlando Pirates ayicija ngo 2016 kanye neMaritz burg United ayicija ngo 2019 . I-Ajax Cape Town yaziwa ngele Cape Town Spurs namuhla , kanti i-Maritzburg yona yaziwa ngele Durban City. Kuyiwe emdlalweni wayizolo aBafana basePhefeni bethwelwe ngeQoma kwazise bebesanda kushaya i-Chippa United emdlalweni wabo wangomhlaka 29 kuZibandlela . I-Cape Town izonqikilana neOrlando Pirates ngoLwesithathu lolu esiya kulona . Lo mdlalo uzodlalelwa eGoli eOrlando Stadium , eSoweto. I-Pirates ishisa bhe kulezi nsuku kanti isanda kushaya i-Stade d’Abidjan ngamaGoalie amathathu eqandeni khona eOrlando .
UMuhsin Ertugral ubingelele iKaizer Chiefs ngeSibhaxu
