Iqembu leBhola lasePitoli iSupersport United selikuqinisekisile ukugcwala umoya kweBhantshi likaGavin Hunt,obenguMqeqeshi waleli qembu.Namuhla leli qembu likhiphe iSitatimende lasifaka emaKhasini alo ezinkundla zokuxhumana.Kulesi Sitatimende leli qembu lithi amaLungu eBhodi aleli qembu ahlale phansi axoxisana noHunt mayelana nokungaqhamuki kwemiphumela emihle,kule ngxoxo kugcine kuvunyelwene ngokuthi uHunt athi khumu.UAndre Arendse uzobamba njengoMqeqeshi wesikhashana kuze kutholakale uMqeqeshi omusha.UArendse uzolekelelwa uGrant Johnson uzoba umsizi wakhe.IUnited iphinde yabonga uGavin Hunt ngomsebenzi awenzela leli qembu,labe senimfisela inhlanhla nokuhle ngekusasa lakhe.
ISupersport United isikuqinisekisile ukuhamba kukaHunt
