IKaizer Chiefs isisayine umdlali ozinze eNgilandi

Ezingena manje zithi iqembu laseSoweto iKaizer Chiefs selisayine uEthan Alexis Chislett(26)ongumdlali wakuleli ozinze phesheya eNgilandi.Lezi ndaba zibikwe iPhephandaba iFarPost elingavamisile neze ukushaya eceleni.UChislett ubedlalela iPort Vale ngeSizini edlule,leli qembu belidlala kuLeague 2,uChislett ulisize ukuba likhushulelwe kuLeague one njengoba lizodlala League one nje ngeSizini ezayo.IPort Vale ayiyivuselelenga inkonteleka yalo mdlali,uzithole esengasenalo iqembu.Ngokusho kwalabo abamumele bathi lo mdlali uchithe amaqembu amaningi aseEurope abekade emgaqele wakhetha ukujoyina abafana basePhefeni.Kuthiwa ubefuna nayiMotherwell yaseScotland.Lo mdlali useke wagijima emaqenjini afana neSouthampton,AFC Wimbledon,Aldershot Town kanye namanye amaningi.Lo mdlali owazalelwa eThekwini uwudlali wesibili okhetha ukubuya azodlala ekhaya esuka eNgilandi kulandela uDean Furman owenza into efanayo eminyakeni edlule ngokubuya azo dlalela iSupersport United.Kulindeleke ukuba abafana basePhefeni bamemezela abadlali abasha kulo leli viki.