Kusasa inhloko iyohlukana nesixhanti mayelana nomqhudelwano weWolrd Cup eqenjini laseNigeria

Kusasa kusihlwa amehlo ayobe ethe njo eqenjini lesizwe laseNigeria njengoba lizodlala umdlalo wamanqamu neqembu lesizwe laseDR Congo.Lowo mdlalo yiwona oyoqinisekisa ukuthi wubani ozoya kwiWorld Cup 2026.Lo mqhudelwano weWorld Cup 2026 uzodlalelwa emazweni amathathu okuyiMelika,iMexico kanye neCanada.INigeria yayiseqoqweni uGroup C elaphunyelelwa yiBafana Bafana.IDR Congo yona yayiseqoqweni uGroup B elaphunyelelwa yiSenegal.NgoLwesihlanu olwedlule iNigeria iguqise iGabon ngamaGoalie amane kwelilodwa kwathi iDR Congo yona yashaya iCameroon ngeGoalie elilodwa eqandeni.Amaqembu iNigeria,iDR Congo,iCameroon kanye neGabon yiwona athole ithuba lesibili kulandela ukuqeda kwabo njengamaqembu angoNombolo 2 abanamaphuzu amaningi emidlalweni yokuhlungela iWorld Cup 2026,phecelezi best runners-up.Lo mdlalo wakusasa uyoqala ngo21:00 ebusuku.Uyodlalelwa ezweni laseMorocco.Uyinqoba uyozitholela ithikithi eliya kwiWorld Cup 2026.