Usengokhululekile uJoe Sibanyoni

Inkantolo yaseKwaggafontein isilihoxisile icala ebelibhekene noJoe Sibanyoni,uBafana Sindane kanye nabanye ababili.Laba abane bebebhekene necala lokugwamanda imali kuSomabhizinisi wasesifundazweni saseMpumalanga.Kuthiwa lamadoda ayethatha imali kuloSomabhizinisi ,ayeyichaza ngokuthi iyiProtection fee.Kuthiwa leyo mali ilinganiselwa kuR2million.Namuhla iMantshi yaseKwaggafontein iwakhululile lamadoda ngesizathu sokungafiki koMshushisi enkantolo,noMphenyi waleli cala naye kuthiwa akazange alubhade.Inkantolo yaseKwaggafontein ithi izokwethwesa amacala uMshushisi kanye noMphenyi ngesenzo sabo sokungalubhadi enkantolo.UJoe Sibanyoni unguSomatekisi omkhulu kabi esifundazweni saseMpumalanga.Abalandeli bakaSibanyoni abebekade belinde emasangweni enkantolo bagiye baqephuza ngenkathi ekhululwa.