Ubevelile enkantolo yaseGoli namuhla uHlengiwe Goodness Buthelezi ongumsolwa wesithathu ecaleni lokubulala uDJ Warras owadutshulwa wabulawa nyakenye .UMaButhelezi uyintombi ka Victor Mthethowakhe Majola okubikwa ukuthi unguNgqondongqondo ekubulaweni kukaDJ Warras.UMajola usevele engaphakathi ezikhindini.Kubikwa ukuthi uMajola wathenga inkabi u Armando Joaquin Pacula waseMozambikwe ukuba abulale uWarras.Naye uPacula ungaphakathi esitokisini usegwetshwe nokugwetshwa .Wagwetshwa iminyaka eyi25 kulandela ukuvuma kwakhe icala.UMajola usaphika alale ngomhlane ukuba uyathinteka kuleli cala.UMaButhelezi uboshwe ezinsukwini ezedlule endaweni yaseMsinga kwaZulu Natal.UMaShenge uthe angeke asifake isicelo sebheyili.UMaShenge oneminyaka eyi 40 uzobuye avele futhi enkantolo esekanye nesoka lakhe uMajola ngomhlaka 18 kuSepthemba.
Khumu!
