AmaPhoyisa aseFreestate asebophe iPhoyisa ngecala lokuthumba umfana oneminyaka eyi19 uKamogelo Baukudi(19)ubekubikwe ukuthi uthunjwe ngoLwesine mhlaka 5 June.Ngokusho komshayeli ojwayele ukulanda uKamogelo eskoleni sakhe iMartu Du Plessis uthi ngoLwesine emini bathi besendleleni ebuya ngaseskoleni bephikelele ekhaya behamba ngomgwaqo uVereeniging Drive bavinjwa imoto yohlobo lweToyota Hilux eyayihamba ngamadoda amabili ayegqoke imifaniswano yamaPhoyisa,uthi lawo madoda athumba uKamogelo akhala emuka naye.Ngokombiko wangaphambilini kwakubikwe ukuthi lamadoda ayengewona amaPhoyisa kepha kwakungabantu ababezenza amaPhoyisa.Kanti ezisanda kuvela manje zithi omunye walawo madoda uyiPhoyisa langempela kanti usekhalelwe ngamasongo kaSigonyela.Umsolwa(42)uzovela enkantolo yaseBloemfontein Magistrate Court kusasa ngoMsombuluko ngecala lokuthumba.Uzakwabo yena usagcwele amaThafa kanti noKamogelo naye akakatholakali.
Sekuboshwe iPhoyisa ngelokuthumba uKamogelo
