Namuhla ngomhlaka 10 kuNdasa iBandla lakwaShembe lihlanganisa iminyaka engama115 laba khona.Leli Bandla lasungulwa ngowe 1910 lisungulwa nguMphrofethi uIsiah Mloyiswa Mudliwamafa Shembe, indodana ka Mayekisa kaNhliziyo ka Mzazela kaSokhabuzela.Abantu bakwaShembe baphuma kuMantungwa akwaDonsa,ukhokho wabo nguNhlanzi onguyena sizathu sokuthi abantu bakwaShembe bayihloniphe iNhlanzi,bangayidli.Kuthiwa uMzazela ongomunye woKhokho bakaMphrofethi wasuka kwaZulu endaweni yakwaCeza lingakabusi iLembe waphikelela enyakatho wagcina enkanise eNtabamhlophe ezweni elalibuswa ngamaHlubi.Kuthiwa wafika wakha khona wakhonza kuwona amaHlubi.UMzazela esakhile kuleya ndawo indodana yakhe uNhliziyo yaganwa yazala uMayekia onguyise kaShembe.UMayekisa naye wakhula waganwa uSitheya intokazi yakhona kwaHadebe eyayizalwa uMalindi Hadebe iNduna yenkosi uLangalibalele.UMayekiso noMaHadebe bazala uMudliwamafa owayebuye aziwe ngelikaMloyiswa,wabuye aziwe ngelika Isiah, wagcina esedume ngelikaShembe elalibuye libe isibongo sakhe.Nguyena-ke uShembe owangenwa umoya kaNkulunkulu wagcina esesungule iBandla elikhulu lamaNazeretha elisekhona nanamuhla.UMphrofethi uShembe wakha umuzi waseKuphakameni oyisisekelo sobuNazaretha.UShembe wakhothama ngowe 1935 mhla zimbili kuNhlaba eneminyaka eyayihlawumbiselwa kuma70s.
Namuhla iBandla lamaNazaretha lihlanganisa iminyaka engama-115 lasungulwa
