Lishona nezindaba nina beSilo,ezingene namuhla emini zithi sekugqabuke igoda phakathi kweqembu leDurban City noMqeqeshi walo uSimo Dladla.UDladla wayefike ngo2023\24 kuleli qembu lisabizwa ngokuthi yi-Maritzburg United ngenkathi lisazinze eMgungundlovu.Waqala eyisekelea loMqeqeshi uZipho Dlangalala nokwathi ngemuva kokukhonjwa kwakhe indlela iMaritzburg United yaqoka uDladla njengoMqeqeshi omusha.Ngaleso sikhathi iqembu lasiladla kwiMotsepe Foundation League,selidliwe izembe kwiLigi enkulu yaseMzansi okuyiBetway League eyayisabizwa ngeDSTV League ngaleso sikahthi.UDladla wathatha izintambo maphakathi nayo iSizini kulandela ukuxoshwa kukaDlangalala,owayexoshelwe imiphumela emibi eyayibeke iqembu emsileni weLigi yeMotsepe Foundation.UDladla walisusa emsileni walibeka endaweni yesine(4th place),namaphuzu ayi46 emidlalweni eyi30.Iqembu lagcina lifudukele eThekwini kulandela ukungezwani noMasapala waseMsunduzi.Lashintsha negama lazibiza ngeDurban City.Kwathi ngeSizini esanda kuphela i2024\25 uDladla wazibamba iSizini yonke izintambo kusukela iqala.Wadla umhlanganiso wokunyuselwa kwiBetway League kulandela ukuqeda kweqembu endaweni yokuqala,kunombolo 1.Inkontileka yakhe bekulindeleke ukuba iphele ngezi30 zikaJuni.UDladla nabaphathi bakhe kamuva babambe izingxoxo zokuvuselelwa kwenkonteleka yakhe.Imiphumela kube wukugqabuka kwegoda phakathi kwabo kulandela ukungezwani mayelana nokunyuselwa umholo kukaDladla kwazise phela iBetway League ayifani neMotsepe.Emagameni abantu abahamba phambili kongahle avale isikhala sikaMgabadeli kukhona elikaOwen Da Gama osindise iMagesi ekudliweni yizembe,elikaRoger De Sa ocija iCape Town City esamda kwehlulwa amaPlay offs kanye nelika Sean Connor ocija iJwaneng Stars yaseBotswana.
Seligqabukile igoda phakathi kweDurban City noMqeqeshi wayo uSimo Dladla
