Izolo besibike ukuthi iqembu lebhola i-Amazulu FC lisayine umgadli waseZimbabwe uTakunda Benhura elimsayine kwiNgezi Platnum yakhona eZimbawe.Ezingena manje zithi uSuthu seluphinde lwasayina nomunye umgadli waseZimbabwe elimsayine eqenjini lakwaBulawayo iHighlanders FC.Igama lalo mgadli uMason Mushore naye okuthiwa ushisa izikhotha lena ngakubo,kuthiwa akalibheki ipali.Kuthiwa laba badlali basayine amankontileka eminyaka emibili,bazotheleka kuleli uma sekushaye umhlaka 1 kuMasingana 2026 kwazise wusuku lokuvulwa kweWindi likaJanuary.Lezi zindaba zishiwo yiNehanda Radio okuwuMsakazo omkhulu wakhona eZimbabwe.USuthu belungakasho lutho mayelana nalaba badlali ababili.Uma begcina besayine ngempela lokho kuyosho ukuthi sebeyoba bathathu abadlali boSuthu abawuMsinsi wokuzimilela eZimbabwe,kuzokhumbuleka phela ukuthi sekukhona uThandolwenkosi Ngwenya owafika ngoNtulikazi(Julayi)2025.Naye unguMgadli.
USuthu selusayine abadlali ababili baseZimabwe
