Ngokusho kukaFabrizio Romano intatheli edume umhlaba wonke futhi engashayi eceleni kuthiwa uJurgen Klopp usewamukelile umsebenzi wokuqeqesha iqembu lesizwe laseJalimana.Uzovala isikhala sikaJulian Nagelsmann osanda kubeka phansi izintambo kulandela ukukhishwa kweJalimana ngokuphazima kweso kweyoMhlaba,ikhishwa yizwe laseParagauy.IJalimana yakhishwa ngo4-3 kumaPhenathi kulandela ukudlala ngo1-1 enkundleni.Iqembu laseParaguay nalo likhishwe yiFrance izolo ngo1-0 lavele lagabisa ngezithende nalo.UKlopp wenza ezibukwayo eqenjini leLiverpool eminyakeni edlule.Kuthiwa uKlopp uzonikwa inkontileka ende impela enikwa yiqembu lesizwe laseJalimana.Lo mbhemu naye unguMsinsi wokuzimilela khona kwelaseJalimana,ngakho-ke ulazi ukuya nokubuya ibhola laseJalimana,
UKlopp usesocija iqembu lesizwe laseJalimana
