Namuhla kuphela iminyaka engama147 kwasha uNdi lwakithi lushiswa ngamaNgisi.Lwashiswa ngalo lolu suku lwanamuhla umhlaka 4 kuNtulikazi 1879.Kwathi lapho uZulu esewanqobile amaNgisi eSandlwana ngomhlaka 22 kuMasingana 1879 amaNgisi awuzange azibeke phansi,ayelokhu eqhubeke njalo nemizamo yokuketula umbuso weSilo uCetshwayo.Kanti naye uZulu wayelokhu ewahlasele njalo amaNgisi ikakhulukazi endaweni yaseBaQulusini lapho inkosi uManyonyoba Kubheka noMntanenkosi uMbilini ka Mswati babelokhu bewahlasele njalo amaBhunu namaNgisi.Ngomhlaka 12 kuNdasa uMntanenkosi uMbilini nenkosi uManyonyoba bahola impi yaseNtombe lapho uZulu wazidlela amahlanga emaNgisini.Kwathi ngomhlaka 28 kuNdasa inkosi uMnyamana Buthelezi yahola uZulu kwaKhambula,nakhona kwakuliwa namaNgisi.UZulu walugoba uphondo kwaKhambula.Ngomhlaka 2 kuMbasa kwalwa impi yaseGingindlovu eyabe iphakathi kukaZulu uholwa nguMntwana uDabulamazi ulwa namaNgisi ayekanye namaMbuka.Kuthiwa uZulu walogoba uphondo eGingindlovu.Kwathi ngomhla wanamuhla 1879 kwalwa impi eyaziwa ngokuthi yiThe Ending of Anglo Zulu War.Lempi yayiphakathi kwamaNgisi noZulu,walugoba uphondo uZulu kulempi kwashiswa nesigodlo sakithi oNdini.Okwalandela lapho kwaba wukuboshwa kweSilo sakithi oNdini iSilo uCetshwayo,saboshwa ngomhlaka 28 kuNcwaba sagcina sidingisiwe,saze sabuyiswa ngo1883.
Namuhla kuphela iminyaka eyi147 amaNgisi ashisa isigodlo sakithi oNdini
