Kudutshulwe kwabaulawa uMnini Spaza(45)endaweni yaseDuduza ngaseZimu Section.Le ndoda engeyokudabuka kwelaseMozambikwe kuthiwa ibikade ilethele indodana yayo ukudla izolo kusihlwa ngenkathi kwenzeka lesi sigameko okusolakala ukuthi bekungesokudunwa kwemoto.Ngokusho koMkhulumeli wamaPhoyisa aseKurhuleni uKaputeni Neldah Sekgobela uthi ngokwamazwi endodana yesisulu ithi ubaba wayo ubeyilethe ukudla izolo kusihlwa.Uthe uma esehamba wakhumbula ukuthi ubelibele uMakhalekhukhwini wakhe endlini wase thuma yona indodana ukuba iphuthume iyowulanda.Ithe indodana isengaphakathi endlini yezwa ukuqhuma kwesibhamu.Ithe indodana ibe isiphuthuma kubaba wayo emotweni yamfica eselele phansi enenxeba lokudutshulwa ekhanda sekuthathwe nemoto yakhe yohlobo lwe Ford Ranger Bakkie.USekgobela uthi imoto ibuye yatholakala isishiyiwe kanjalo endaweni yaseTsakane.Uthi bekungakaboshwa muntu mayelana naleso sigameko.
Sekudutshulwe kwabulawa uMnini Spaza kudunwa imoto yakhe eDuduza
