UVelile namuhla enkantolo yaseKempton Park umsolwa osolwa ngokubulala uMpho Mafole owayenguMcwaningimabhuku waseKurhuleni.Umbuso uveze ukuthi uThabani Goodwill Ntshalintshali(40)ngenkathi yena nomngane wakhe uHlanganani Agripper Mncwango bebulala uMafole uNtshantshali wayengaphandle ngeBheyili kaR5 000 ngecala lokubulala uBongani Mfihlo ngoMandulo(September)2023.UMafole wadutshulwa wabulawa yilaba ababili okunguNtshalintshali noMncwango mhlaka 30 kuNhlangulana(June)kuwo lonyaka.UMncwango yena usagcwele izinkalo.AmaPhoyisa asekhiphe isithombe sakhe esesigcwele isinkundleni zokuxhumana,amyalele ukuba azinikele emaPhoyiseni aseduze.Kanti nawo amaPhoyisa asephume inqina yokuyomzingela.UNtshalintshali uzovela enkantolo ngoNcwaba mhlaka 12 ngecala lokubulala uMfihlo,okuyicala alenza ngoSeptember 2023.UNqobile Madlala okhulumela iNPA utshele abezindaba ukuthi bazophikisana nesicelo sikaNtshalintshali sokuthola iBheyili ecaleni lokubulala uMcwaningimabhuku.Uthe isizathu salokho sisobala,wukuthi uNtshalintshali uyingozi eMphakathini,unguShayasbhamu.
Ubengaphandle ngeBheyili obulale uMcwaningimabhuku waseKurhuleni
