Umqeqeshi osemncane uVusumuzi ‘Kanu’Vilakazi ukhonjwa kwiChippa United okungayihambeli kahle neze kulezi nsuku.IChippa ihlezi emsileni weLigi yaseMzansi namaphuzu ayisithupha emdlalweni eyishumi.Kanti isanda kukhomba indlela umqeqeshi wayo uLuc Eymael onguMsinsi wokuzimelela kwelaseBeligium.Imibiko esiyitholayo ithi uKanu usevalelise nokuvalelisa kubadlali bakhe beqembu iKruger United okuyiqembu alicijayo njengamanje.Leli qembu lidlala kwiMotsepe Foundation League,lihleli endaweni yesishiyagalombili(8) namaphuzu ayisishiyagalolunye(9).Le Ligi inamaqembu ayi16 njengayo iPSL.UKanu uyaziwa ngokutakula amqembu asuke elengelwa yizembe,wake watakula iRichard’s Bay FC sekuvalwe amehlo.Kanti nayo iKruger uyitakulile ngeSizini edlule umfoka Mphephethe ngoba nayo wayithola ilengela eweni wayinyusa,wanqoba imidlalo emibili,wadlala ngokulingana kwemithathu,wadliwa kwemibili-yasinda kanjalo iKruger kwaphela iSizini isendaweni yesikhombisa(7).Kulindeleke ukuthi maduze iqembu leChippa United limethule njengomqeqeshi walo omusha owaseMaphaphetheni.UKanu uke wacija noSuthu eyisekela likaArthur Zwane.
Ukhonjwa kwiChippa uKanu
