Iqembu lasePitoli iMamelodi Sundowns selimemezele ukuthi selisayine umgadli weOrlando Pirates uMonnapule Saleng.Lo mdlali onekhono eliyisimanga ungumdlali wesibili osesayinwe yiDowns kuleli windi likaMasingana elizovalwa uma kuphela inyanga.IDowns isanda kusayina uBrayan Leon osayinwe eqenjini i-Independiente Medellin laseColombia.USaleng uchithe isiwombe sokuqala saleLigi esikuyona ebolekiswe kwiqembu leOrbit College okuyiqembu ake agijima kulona ngaphambilini.Lo mdlali wake waba nezinkinga zokungaziphathi kahle uma engekho enkundleni,okuyiyonanto eyameqhatha nomqeqeshi wakhe wangaphambilini uJose Riveiro owayecija iPirates.Esiwombeni saleLigi esikuyona uSaleng udlale imidlalo eyi12 eqenjini leOrbit College okuyiqembu elinkanise eNorth West.IDowns ilele endaweni yesibili kwiLigi esikuyona nemdlalo eyi13,namaphuzu ayi26.
Usezogijima kwiDowns uMonnapule Saleng
