Nina beSilo esisanda kuzamukela zithi sekukhothame inkosi yabaNguni baseZambia inkosi uMphezeni wesine Jele.Inkosi uMphezeni wesine ingeyeSende lenkosi uZwangendaba Jele eyasuka kwelaseHluhluwe ngeminyaka yama1800 ibalekela ulaka lweSilo uShaka.Inkosi uZwangendaba yayilwe ngasohlangothi lwenkosi uZwide kaLanga empini yakwaGqokili eyayiphakathi kwesizwe sakwaNdwandwe kanye nesakwaZulu.Yalugoba uphondo inkosi yamaNdwandwe inkosi uZwide ka Langa.Kwathi lapho seyehluliwe inkosi uZwide uZwangendaba wasingisa amabombo enyakatho.Wagcina ekhothamele khona eMpumalanga yaseZambia .Ubukhosi bakhe buseChipata eZambia lapho obekubusa khona.Obunye ubukhosi beSende lenkosi uZwangendaba buseMzimba,eMalawi,kubusa inkosi uMbelwa yesine.Besingakatholi ukuthi ngabe inkosi yakithi eKuphendukeni ithathwe yini,besengezwanga nokuthi ike yadunguzela.
Isililo kukhothama inkosi yabaNguni baseZambia
