Akasekho emhlabeni uThembisa Thwala wodumo lwengoma u-Don’t cry

Akasekho emhlabeni uThembisa Thwala owazakhela igama engomeni kaZola 7 esihloko sithi “Don’t cry”,usishiye ngoMgqibelo lona esisuka kuwona.Le ngoma kaZola 7 yashisa izikhotha ngo2004 kuya ku 2005.Lona okaMnyamande yena wafishalisha kuleyo ngoma,engumculi oholayo(leading vocalist),ehola ngohlobo lomculo olubizwa ngokuthi yi-Opera.UZola 7 yena wayethole lona okaMnyamande ngo2003 ngenkathi esathula uhlelo lukaMabonakude kuSABC olwalwaziwa ngokuthi yi-Zola 7.Lona okaMnyamande ubesecula neqembu leOpera laseGauteng iGauteng Choristers okuyilona elibikele iZwe ngokwedlula emhlabeni kukaThembisa.UThembisa Thwala wake wafundisa umculo weOpera eMpangeni High School.UThishanhloko waseMpangeni High School uthi beyiSikole balahlekelwe kakhulu ngokwedlula emhlabeni kukaMaThwala.OkaMnyamande ushone esefundisa umculo weOpera ePhendukani Full Service School eNyukhasela.Belungakabekwa usuku lokubekwa kwakhe endlini yakhe yokugcina.UZola 7 ubengakaphawuli ngokwedlula emhlabeni kwentokazi yakwaMntamande.